Ikipe ihagarariye Akarere ka Musanze Bagore n’ihagarariye aka Karongi mu Bagabo, zegukanye igikombe cya shampiyona ya Volleyball ikinwa n’abamugaye, Sitball.
Kuri uyu wa Gatandatu tariki ya 2 Werurwe 2024, ni bwo hasojwe shampiyona y’umukino wa Volleyball ikinwa n’Abafite Ubumuga, Sitball.
Mu Kwakira 2023, ni bwo hari hatangiye shampiyona ya Sitball. Imikino ya nyuma mu byiciro byombi, yabereye mu Karere ka Bugesera guhera Saa Tatu z’amanywa.
Mu Bagore, ikipe y’Akarere ka Musanze, ni yo yegukanye igikombe nyuma yo gutsinda imikino yose.
Mu Bagabo, ikipe y’Akarere ka Karongi, ni yo yacyegukanye na yo yatsinze imikino ya yo yose.
N’ubwo imikino ya nyuma yabereye mu Karere ka Bugesera, ariko imikino ya shampiyona yagiye ikinirwa mu Turere dutandukanye tugize Igihugu.
Shampiyona yabaye mu byiciro bitatu, maze icyiciro cya Gatatu, kijyamo amakipe atanu ya mbere muri Cyiciro.
Ayo makipe ni yo yakinnye imikino ya nyuma, avamo izegukanye igikombe.
Uko amakipe yakurikiranye mu Bagabo. Karongi (1), Musanze (2), Rubavu (3), Gisagara (4), Rulindo (5).
- Advertisement -
Uko amakipe yakurikiranye mu Bagore. Musanze (1), Kayonza (2), Nyamasheke (3), Bugesera (4), Gicumbi (5).
HABIMANA SADI/UMUSEKE.RW