Ikipe z’Igihugu z’Ingimbi z’u Rwanda mu mukino wa Handball mu batarengeje imyaka 18 na 20, zageze ku mukino wa nyuma mu irushanwa Nyafurika rya IHF-Trophy riri kubera muri Éthiopie.
Imikino ya 1/2 yabaye ku wa Kane tariki ya 16 Gicurasi. Mu batarengeje imyaka 18, u Rwanda rwatsinze Kenya ibitego 27-24, mu gihe mu batarengeje imyaka 20, u Rwanda rwatsinze Éthiopie ibitego 29-28.
Ku mukino wa nyuma, u Rwanda rurakina na Éthiopie mu batarengeje imyaka 18 Saa yine z’amanywa mu gihe mu batarengeje imyaka 20, rurakina na Uganda Saa Cyenda n’igice z’amanywa. Imikino ya nyuma iteganyijwe kuri uyu wa Gatanu.
UMUSEKE.RW