Mukandayisenga Jeanine uzwi nka ‘Ka-Boy’, yatangiye gutsindira Yanga Princess ikina shampiyona y’icyiciro cya mbere muri Tanzania mu cyiciro cy’abagore.
Ku wa 28 Mutarama 2025, ni bwo Umunyarwandakazi, Mukandayisenga Jeanine, yatangiye kubona izamu muri shampiyona ya Tanzania mu Bagore. Ka-Boy, yatsindiye Yanga Princess ibitego bibiri muri 3-0 ikipe ye yatsinze Alliance Girls.
Ibi bitego Jeanine yatsinze, yabitsinze mu mukino w’umunsi wa kabiri muri shampiyona y’Abagore muri Tanzania. Uyu mukobwa uzwi ho gutsinda cyane, yavuye mu Rwanda ari we uyoboye bagenzi be mu gutsinda, cyane ko yafashaga Rayon Sports WFC mu gice cy’ubusatirizi.
Ka-Boy yaciye mu Inyemera WFC mbere yo kujya muri Gikundiro. Asanzwe kandi ari umukinnyi w’ikipe y’Igihugu.
UMUSEKE.RW