Nyampinga w’u Rwanda 2019 Nimwiza Meghan yasezeye ku nshingano zo kuba umuvugizi wa Rwanda Inspiration Back Up itegura irushanwa rya Miss Rwanda.
Mu itangazo ryanyujijwe ku rukuta rwa Twitter rwa Miss Rwanda, kuri uyu wa 19 Mata 2022, ryemeje ko Miss Nimwiza Meghan yatandukanye n’abategura Miss Rwanda.
Iri tangazo rigira riti “Twifuje kubamenyesha ko Miss Nimwiza Meghan yatandukanye n’umuryango wa Miss Rwanda.”
Miss Meghan yashimiwe akazi yakoze mu gihe yari amaze ari umuvugizi wa Rwanda Inspiration Back Up, bamwifuriza amahirwe masa mu byo yerekejemo.
Kugeza ubu impamvu yatumye Miss Nimwiza Meghan atandukana na Miss Rwanda Organisations ntabwo iramenyekana ndetse na ba nyir’ubwite ntacyo bayitangajeho.
Miss Nimwiza Meghan yambaye ikamba rya Miss Rwanda 2019 asimbuye Miss Iradukunda Liliane nawe aritanga kuri Nishimwe Naomi wabaye Miss Rwanda 2022.
Tariki 25 Gicurasi 2020, nibwo Miss Meghan yahawe inshingano zo kuba umuvugizi wa Rwanda Inspiration Back Up itegura Miss Rwanda.
NKURUNZIZA Jean Baptiste/UMUSEKE.RW