Ikipe ihagarariye u Rwanda muri Tanzania mu marushanwa ari guhuza amakipe yabaye aya Mbere iwayo [CAFQCL 2022], AS Kigali Women Football Club, yatangiye iri rushanwa itsinda.
Ku Cyumweru tariki 14 Kanama 2022, ni bwo irushanwa rya Cecafa y’abagore iri kubera mu Mujyi wa Dar es salaam muri Tanzania, ryatangije ku mugaragaro.
Umukino wa Mbere wakinwe ku manywa, uhuza ikipe ya Simba Queens FC itsinda Garde Républicaine FC ibitego 6-0. Uretse uwo mukino, hari n’indi yahuje She Corporate FC yatsinze Yei J. Stars FC ibitego 6-0.
Kuri uyu wa Mbere abakobwa bahagarariye bari bategerejwe, ariko ntibatengushye kuko batsinze Fofila FC y’i Burundi ibitego 2-1. Ibitego byombi byo ku ruhande rw’u Rwanda byatsinzwe na Usanase Zawadi.
Undi mukino wabaye, ni uwahuje Commercial Bank E. FC yanyagiye Warriors Q.FC ibitego 9-0.
AS Kigali WFC izagaruka mu kibuga ku wa Kane ikina na Warriors Q. FC yatsinzwe umukino wa Mbere.
Abakinnyi babanjemo ku mpande zombi: AS Kigali WFC XI: [1] Itangishaka Claudine; [2] Kayitesi, [7 ]Mukeshimana Jeannette, [8 ]Ukwinkunda Jeannette, [ Nibagwire Libelée] (C),[14] Mukeshimana, [16] Usanase Zawadi, [17] Nibagwire Sifa Gloria, [21] Maniraguha, [22] Uwimbabazi.
Fofila XI: [1] Irakoze; [2] Irankunda, [4] Ineza, [8] Nihorembere, [9] Sakina (C), [11] Kankidi, [12] Uwihirwe, [13] Manishiwe, [17] Uwineza, [20] Ndayisaba.
UMUSEKE.RW