Ishyirahamwe Nyarwanda ry’Umupira w’Amaguru, Ferwafa, ryatangaje ko ryasinyanye amasezerano y’ubufatanye [MoU] n’Uturere dutatu, yo kutwubakira ibibuga.
Aya makuru Ferwafa yayatangaje ku wa Kabiri tariki 18 Mata 2023 ibicishije ku mbuga nkoranyambaga za yo zirimo Twitter. Iri shyirahamwe ryemeje ko ryamaze gusinyana MoU n’Uturere turimo Rusizi, Rutsiro na Gicumbi.
Ni amasezerano yashyizweho umukono biciye mu mushinga wa FIFA Forward 2.0 ukubiyemo ibirimo guteza imbere ruhago hirya no hino ku Isi.
Ni ibibuga by’ibikorano [Tapis synthétique] bizafasha utu Turere kuzamura iterambere ry’umupira w’amaguru biciye mu bakiri bato.
Kugira ibibuga bibi kuri utu Turere, byatumye ikipe ya Rutsiro FC yimukira mu Karere ka Rubavu aho ikinira kuva yazamuka mu cyiciro cya Mbere.
UMUSEKE.RW