Kuva mu mwaka w’i 1956 hatangiye gutangwa igihembo cy’Umupira wa Zahabu (Ballon d’Or) gihabwa umukinnyi uba waragize umwaka w’imikino mwiza kurusha abandi bose ku Isi.
Kuva icyo gihe gihabwa Stanley Matthews, umwongereza wakiniraga ikipe ya Blackpool, Ballon d’Or itangwa buri mwaka uretse mu mwaka wa 2020 itatanzwe bitewe n’icyorezo cya COVID-19 cyatumye bimwe mi bihugu umwaka w’imikino utarangira.
Ballon d’Or itangwa n’ikinyamakuru France Football ariko hagati ya 2009-2015 bihuje na FIFA batangira gutanga ikiswe FIFA Ballon d’Or ariko nyuma baratandukana.
Kuva Ballon d’Or yatangira gutangwa, Umunya-Argentine Lionel Messi ni we umaze gutwara nyinshi (7), agakurikirwa na Cristiano Ronaldo umaze gutwara itanu.
Muri iyi nkuru twifashishije urubuga rwa FIFA n’ikinyamakuru France Football tubategurira inkuru igaruka ku bakinnyi batwaye Ballon d’Or muri iki kinyejana cya 21 cyatangiye kuva mu 2000.
2022: Karim Benzema, Umufaransa wakiniraga ikipe ya Real Madrid icyo gihe.
2021: Lionel Messi, Umunya-Argentine wakiniraga ikipe ya Paris-Saint Germain icyo gihe.
2020: Ntabwo yatanzwe kubera icyorezo cya COVID-19 cyatumye hamwe imikino itarangira.
2019: Lionel Messi, yakiniraga ikipe ya FC Barcelona icyo gihe.
- Advertisement -
2018: Luka Modric, Umunya-Cortia ukinira ikipe ya Real Madrid.
2017: Cristiano Ronaldo, Umunya-Portugal wakiniraga ikipe ya Real Madrid muri icyo gihe.
2016: Cristiano Ronaldo, Ronaldo yarakiri muri Real Madrid.
2015: Lionel Messi ukomoka muri Argentine yakiniraga ikipe ya FC Barcelona yo mu gihugu cya Espagne.
2014: Cristiano Ronaldo, kizigenza ukomoka muri Portugal yakiniraga ikipe ya Real Madrid.
2013: Cristiano Ronaldo, Ronaldo ni yo Ballon d’Or ya mbere yaratwaye nk’umukinnyi wa Real Madrid nyuma yo kuyijyamo.
2012: Lionel Messi, uyu munya Argentine yuzuzaga Ballon d’Or enye yatwaye yikurikiranya.
2011: Lionel Messi
2010: Lionel Messi
2009: Lionel Messi
2008: Cristiano Ronaldo, uyu munya-Portugal ni yo Ballon d’Or ya mbere yari atwaye nk’umukinnyi, ayitwara akinira ikipe ya Manchester United mu Bwongereza.
2007: Kaka, uyu munya-Brésil yatwaye Ballon d’Or muri 2007 akinira ikipe ya AC Milan.
2006: Fabio Cannavaro, umukinnyi ukomoka mu Butariyani, mu 2006 yatwaye Ballon d’Or ya 2006 akinira ikipe ya Real Madrid.
2005: Ronaldinho, Umunya-Brésil waranzwe n’amacenga menshi no gutsinda ibitego bitangaje, muri 2005 yatwaye Ballon d’Or akinira ikipe ya FC Barcelona yo muri Espagne.
2004: Andriy Shevchenko, umukinnyi ukomoka muri Ukraine icyo gihe yatwaye Ballon d’Or akinira ikipe ya AC Milan mu Butaliyani.
2003: Pavel Nedved, ukomoka muri Czech Republic, yatwaye umupira wa zahabu akinira ikipe ya Juventus yo mu Butaliyani.
2002: Ronaldo Nizario, ukomoka muri Brésil yatwaye Ballon d’Or mu 2002 akinira ikipe ya Real Madrid yo muri Espagne.
2001: Michael Owen, Umwongereza rukumbi watwaye umupira wa zahabu muri iki kinyejana, yawutwaye icyo gihe akinira ikipe ya Liverpool y’iwabo.
2000: Luis Figo, Umunya-Portugal wakinirava Real Madrid ni we wabimburiye abandi bakinnyi mu gutwara umupira wa zahabu, Ballon d’Or mu kinyejana cya 21 cyatangiye mu 2000.
Mugiraneza Thierry/UMUSEKE.RW