Ikipe y’u Rwanda y’umukino wo gusiganwa ku magare, Team Rwanda, yakubutse muri Cameroun itahanye ibihembo bitatu ikuye mu irushanwa rya Grand Prix Chantal Biya ryari rimaze icyumweru kimwe.
U Rwanda rwari rwitabiriye iri rushanwa ry’amagare ryitiriwe umufasha w’Umukuru w’Igihugu cya Cameroun, Chantal Biya.
Grand Prix Chantal Biya, yakinwaga ku nshuro ya 23. U Rwanda rwatahanye ibihembo birimo icy’umuzamutsi mwiza wabaye Byukusenge Patrick akanegukana agace ka Gatatu kavaga Ebolowa kajya Mengong Sangamelima, icy’umukinnyi muto mwiza wabaye Niyonkuru Samuel n’icy’umwanya wa Gatatu ku rutonde rusange.
Ikipe yose yari ihagarariye u Rwanda muri iri rushanwa, yageze i Kigali mu rukerera rwo kuri uyu wa Kabiri tariki ya 10 Ukwakira 2023.
HABIMANA SADI/UMUSEKE.RW