Ikipe ya Rayon Sports, yorohereje abakunzi ba yo bo mu Ntara mu Amajyepfo bifuza kuzareba umukino wa ‘derby’ Rayon Sports izakiramo APR FC, binyuze muri gahunda bise ‘Duce impaka.’
Harabura iminsi ibarirwa ku ntoki kugira ngo umunsi nyir’izina w’umukino uruta indi yose mu Rwanda ugere.
Impande zombi ziriteguye haba mu bakinnyi, abatoza, abayobozi b’amakipe ndetse n’abafana muri rusange kugira ngo bakore iyo bwabaga bityo bazegukane intsinzi.
Ni muri urwo rwego Ikipe ya Rayon Sports yashyiriyeho abakunzi bayo uburyo bwo kubafasha kwisuganya no guhuza imbaraga kugira ngo bazajye gushyigikira Ikipe yabo ku bwinshi, hashyirwaho uburyo abafana bazahagurukira hamwe ku rwego tw’uturere.
Dore imirongo ya telefone yashyiriweho abifuza kwiyunga na bagenzi babo ndetse no gusobanuza kurushaho ibijyanye n’iyi gahunda:
– Huye: 0788351221
– Nyanza: 0783583277
– Ruhango: 0786046526
– Muhanga: 0783308068
Gikundiro yahisemo Intara y’Amajyepfo ku ikubitiro bitewe n’uko abenshi mu bakunzi bayo ari ho babarizwa; nk’Ikipe nyine ikomoka mu Karere ka Nyanza.
Umukino Rayon Sports izakiramo APR FC uteganyijwe ku wa Gatandatu tariki 9 Werurwe 2024 kuri Kigali Péle Stadium saa 18h00.
Kanda hano urebe ibiciro by’umukino(Link y’inkuru ivuga ku biciro).
- Advertisement -
ISHIMWE YARAKOZE SETH KEFA/UMUSEKE.RW