Ubuyobozi bw’ikipe ya Rayon Sports, bwatangaje ibiciro ku mukino w’umunsi wa 24 wa shampiyona izakiramo mukeba wa yo, APR FC.
Ni ibiciro byatangajwe iminsi itandatu mbere y’umukino nyir’izina uzabera kuri Kigali Péle Stadium ku wa Gatandatu tariki ya 9 Werurwe 2024, Saa 18h00.
Ku bazagura amatike mbere y’umunsi nyir’izina w’umukino, mu myanya isanzwe y’ahadatwikiriye ni 5,000 Frw, ahatwikiriye mu mpande za ‘VIP’ ni 7,000 Frw, mu myanya y’abanyacyubahiro (VIP) ni 20,000 Frw na ho mu y’abanyacyubahiro bemerewe kwinjiza imodoka ni 50,000 Frw.
Ku munsi w’umukino ahasanzwe ni 7,000 Frw, ahatwikiriye mu mpande za ‘VIP’ ni 10,000 Frw, muri ‘VIP’ ni 30,000 Frw mu gihe ‘VVIP’ bizakomeza kuba 50,000 Frw.
APR FC igiye gusura Rayon Sports iyoboye urutonde rwa Shampiyona y’Icyiciro cya Mbere n’amanota 55, ikaba irusha Rayon Sports iyigwa mu ntege amanota 10.
Mu mukino ubanza wa shampiyona wabaye tariki ya 29 Ukwakira 2023 amakipe yombi yanganyije 0-0, mu mukino wari uw’umunsi wa cyenda wa ‘Primus National League’.
Indi mikino itenganyijwe ku munsi wa 24 wa Shampiyona y’Icyiciro cya Mbere mu Rwanda:
Ku wa Gatanu tariki ya 8 Werurwe 2024; imikino yose iri saa 15h00:
– Etoile de l’Est Vs Kiyovu Sports
– Amagaju Vs Bugesera FC
– Etincelles Vs Mukura VS
– As Kigali Vs Musanze FC
- Advertisement -
Ku wa Gatandatu tariki ya 9 Werurwe 2024:
– Muhazi United Vs Sunrise FC, saa 15h00
– Rayon Sports Vs APR FC, Saa 18h00
Ku Cyumweru tariki ya 10 Werurwe 2024:
– Marines FC Vs Gorilla FC, saa 15h00
– Police FC Vs Gasogi United, saa 18h00
ISHIMWE YARAKOZE/UMUSEKE.RW