Abasifuzi Mpuzamahanga b’Abanyarwanda bayobowe na Rulisa Patience, bahawe umukino wo gushaka itike y’Igikombe cya Afurika 2025, uzahuza Eswatini na Mali.
Uyu mukino utaganyijwe kuzabera kuri Nelspruit-Mbombela Stadium yo muri Afurika y’Epfo, tariki ya 10 Nzeri 2024.
Uzayoborwa na Rulisa Patience, Bwiriza Nonati azaba ari umwungiriza wa mbere, Ndayisaba Saidi azaba ari umwungiriza wa Kabiri mu gihe Twagirumukiza Abdulkarim azaba ari umusifuzi wa Kane.
Komiseri w’uyu mukino azaba ari Bennett Kenneth Bailey wo muri Afurika y’Epfo, mu gihe Alain Brice Letokouzou wo muri Centrafrique, azaba ashinzwe kunganira abasifuzi kuri uyu mukino (Referee Assessor).
Amakuru yizewe UMUSEKE wamenye, ni uko aba basifuzi bazahagaruka mu Rwanda tariki ya 8 Nzeri berekeza muri Afurika y’Epfo.
UMUSEKE.RW