Biciye muri Komisiyo Ishinzwe Abasifuzi mu Ishyirahamwe ry’Umupira w’Amaguru mu Rwanda, Ferwafa, abasifuzi bazayobora imikino y’umunsi wa Cyenda wa shampiyona, bamaze kumenyeshwa.
Guhera ejo tariki ya 5 Ugushyingo 2024, hazaba hakinwa imikino y’umunsi wa Cyenda wa shampiyona y’Icyiciro cya mbere y’umupira w’amaguru mu Bagabo. Hateganyijwe umukino umwe uzahuza Kiyovu Sports na Gasogi United Saa Cyenda z’amanywa kuri Kigali Péle Stadium.
Uyu mukino uzayoborwa Nshimiyimana Remy Victor uzaba ari hagati mu kibuga, Jabo Aristote na Mbonigena Seraphin, bazaba ari abasifuzi bo ku ruhande mu gihe Irafasha Emmanuel azaba ari umusifuzi wa Kane.
Ku wa Gatatu tariki ya 6 Ugushyingo 2024, hateganyijwe imikino itanu yose izakinwa Saa Cyenda z’amanywa. Bugesera FC izakira Gorilla FC kuri Stade ya yo ya Bugesra. Uyu mukino uzayoborwa na Twagirumukiza Abdulkarim uzaba ari hagati, Nsabimana Thierry na Karemera Tonny bazaba bari ku ruhande mu gihe Muhayeyezu Roberto azaba ari umusifuzi wa Kane.
Musanze FC izakira Rayon Sports kuri Stade Ubworoherane. Ni umukino wahawe Rulisa Patience uzaba ari hagati mu kibuga, Karangwa Justin na Safari Hamiss bazaba bari ku ruhande mu gihe umusifuzi wa Kane azaba ari Akingeneye Hicham.
Muhazi United izakira Amagaju FC kuri Stade ya Ngoma. Nsabimana Céléstin ni we wahawe kuzayobora uyu mukino ari hagati mu kibuga, Ndayiragije Hamdan na Ntirenganya Elie, bazaba bari ku ruhande mu gihe Musoni Henry azaba ari umusifuzi wa Kane.
AS Kigali izakira Marines FC kuri Kigali Péle Stadium. Ugirashebuja Ibrahim ni we wahawe kuzayobora uyu mukino ari hagati mu kibuga. Mutuyimana Dieudonné na Murangwa Sandrine, bazaba bari ku ruhande mu gihe Ahadi Gad azaba ari umusifuzi wa Kane.
Etincelles FC izaba yakiriye Rutsiro FC kuri Stade Umuganda izi kipe zombi zihuriyeho. Ni umukino wahawe Ngabonziza Dieudonné nk’umusifuzi wo hagati, Nsabimana Patrick na Habumugisha Emmanuel, bazaba bari ku ruhande mu gihe Ngabonziza Jean Paul azaba ari umusifuzi wa Kane.
Ku wa Kane tariki ya 7 Ugushyingo, hazaba imikino ibiri izaba inasoza umunsi wa Cyenda. Vision FC izaba yakiriye APR FC kuri Kigali Péle Stadium Saa Kumi n’Ebyiri z’umugoroba. Ni umukino uzayoborwa na Dushimimana Eric uzaba ari hagati mu kibuga, Mugabo Eric na Bazahira Aimable, bazaba bari ku ruhande mu gihe Nizeyimana Is’haq azaba ari umusifuzi wa Kane.
- Advertisement -
Umukino wundi ni uzahuza Mukura VS na Police FC Saa Cyenda z’amanywa kuri Stade Mpuzamahanga ya Huye. Uwikunda Samuel ni we wahawe kuzayobora uyu mukino, Ndayisaba Said na Mugisha B.Fabrice, bazaba bari ku ruhande mu gihe Mulindangabo Moise azaba ari umusifuzi wa Kane.
UMUSEKE.RW