Ubuyobozi bwa Kiyovu Sports, bwafashe icyemezo cyo kugarura mu nshingano, umutoza mukuru, Bipfubusa Joslin.
Tariki ya 28 Ukwakira 2024, biciye ku rubuga (website) ya Kiyovu Sports, iyi kipe yemeje ko yahagaritse umutoza mukuru wa yo, Bipfubusa Joslin kubera umusaruro nkene.
Icyo gihe uyu mutoza yahagaritswe imikino ine, ariko yararenze bigera n’aho iyi kipe izana undi mutoza ukomoka muri Sénégal, Malick Wade.
Amakuru UMUSEKE wamenye, ni uko ubwo hazaba hasubukuwe imyitozo, Bipfubusa ari we uzaba yagarutse mu nshingano ze zo kuyitoza.
Urucaca ruri ku mwanya wa nyuma n’amanota arindwi mu mikino 11 rumaze gukina. Uyu mutoza afite umukoro wo gufasha iyi kipe kuva aho iri.
UMUSEKE.RW