Perezida wa Leta zunze ubumwe za America, Joe Biden yategetse inzego z’ubutasi kumenya inkomoko y’icyorezo cya Covid-19, nyuma y’amakuru adafitiwe gihamya akomeza gukwirakwizwa ku nkomoko yayo.
Mu itangazo ryasohowe, Joe Biden asaba inzego z’ubutasi gukuba kabiri ubushobozi bwazo mu bijyanye na biriya, akazahabwa raporo bitarene iminsi 90.
Icyorezo cya Covid-19 bwa mbere cyagaragaye mu Bushinwa mu Mujyi wa Wuhan mu mpera z’umwaka wa 2019.
Nibura kimaze kwandura abarenga miliyoni 168 ku Isi, mu gihe cyahitanye abasaga miliyoni 3.5 barimo Abanyarwanda 350.
Abayobozi bavugaga ko Covid yaba yaraturutse mu nyamaswa zo mu mazi, inyama zazo zikaba zaracurujwe mu isoko ryo mu Mujyi wa Wuhan, naho Abahanga muri siyansi bakavuga ko virus yavuye mu muntu ikajya mu nyamaswa.
Hari n’amakuru avugwa mu bitangazamakuru byo muri America ko virusi yakorewe muri Laboratoire yo mu Bushinwa igakwira isi.
Ubushinwa bwo bunyomoza ayo makuru ahubwo bukavuga ko iyo virusi ya Covid yaba yarakorewe muri America.
REBA YouTube Channel UMUSEKE TV video nziza nk’iyi. UKORA LIKE SHARE na COMMENT
- Advertisement -
BBC
UMUSEKE.RW
