Kuva ku wa 27 gicurasi 2021 kugeza kuwa 29 gicurasi 2021, Umugaba Mukuru w’Ingabo za Misiri Lt Gen Mohamed Farid ari mu ruzinduko rw’akazi mu Rwanda.
Minisiteri y’Ingabo z’u Rwanda itangaza ko ku munsi w’ejo kuwa gatanu tariki ya 28 Gicurasi 2021, Lt Gen Mohamed Farid n’itsinda ayoboye bagiranye ibiganiro n’Umugaba Mukuru w’Ingabo z’u Rwanda, Gen J Bosco Kazura ku kicaro gikuru cya RDF ku Kimihurura.
Ibi biganiro byibanze ku bufatanye bw’Ingabo z’Ibihugu byombi mu bikorwa bya Gisirikare.
Lt Gen Mohamed Farid yagiranye kandi ibiganiro na Minisitiri w’Ingabo z’u Rwanda, Maj General Albert Murasira ku Kimihurura.
Mbere yo gusubira mu Misiri, bitegekanyijwe ko Umugaba Mukuru w’Ingabo za Misiri, Gen Mohamed Farid, kuri uyu wa gatandatu tariki ya 29 gicurasi 2021 asura Urwibutso rwa Jenoside yakorewe Abatutsi rwa Gisozi ruri mu Mujyi wa Kigali.
REBA YouTube Channel UMUSEKE TV video nziza nk’iyi. UKORA LIKE SHARE na COMMENT
NDEKEZI JOHNSON / UMUSEKE.RW