Abantu 7 bishwe na Covid-19 mu gihe 914,525 bamaze gufata dose zombi mu gihugu

Ukeneye kwamamaza! Gusobanuza! Gutanga amakuru? Hamagara 0788772818

Minisiteri y’Ubuzima yatangaje ko tariki ya 07 Nzeri 2021, Covid-19 yahitanye abantu 7 bituma umubare w’abamaze kwicwa n’iki cyorezo mu Rwanda ugera ku 1,141.

Abapfuye ni abagabo 6 n’umugore 1, abanduye bashya ni 453 mu gihe abasezerewe mu bitaro ari 9 naho abarembye bakaba 16.

Abantu 1,451 bafashe dose ya mbere bituma abasaga 1,664,210 bamaze kuyifata mu gihe kandi abasaga 7,378 bafashe dose ya kabiri uyu munsi byatumye abasaga 914,525 bamaze gufata dose zombi mu gihugu.

Inzego z’ubuzima ziraburira buri wese kwitwararika kuko mu Gihugu hari ubwoko bwa COVID-19 yihinduranyije bwitwa Delta bugize hafi 60% y’ubwandu bushya, bukaba bwandura vuba kandi bugatuma abantu banaremba vuba ndetse bamwe bakagira n’ibyago byinshi byo kubura ubuzima.

Mu gihe u Rwanda rukomeje ibikorwa byo gukingira hirya no hino mu gihugu, buri wese arasabwa kwitwararika no kubahiriza amabwiriza yo kwirinda ari yo gusiga intera ya metero, kwambara neza agapfukamunwa no gukaraba intoki kenshi bakoresheje amazi meza n’isabune cyangwa alukolo yabugenewe.