Police FC itunguwe na Espoir FC kuri Stade i Nyamirambo

Umukino wa kabiri wa Shampiyona ugenze nabi ku ikipe ya Polisi FC itsindwa ibitego 2-0, byombi byaje mu gice cya kabiri.

Police FC ihabwa amahirwe yo gutwara igikombe cya Shampiyona ishobora kuba itariteguye neza, nyuma yo gitsinda umukino ubanza Etoile de l’Est 3- 0 itunguwe na Espoir FC iyitsinze 2-0.

Tresor Ndikumana ku munota wa 73 yari afunguye amazamu,  Yves Habimana ku munota wa 88 yongeramo biba 2-0.

Ikipe y’umutoza Gatera Moussa yari yatangiye Shampiyona itsinda na As Kigali (2-0).

Mu mikino yakinwe ku wa Kabiri, ibigugu byarisobanuye, As Kigali yandagaza Kiyovu SC iyitsinze 4-0, Gorilla FC yanganyije na Marines FC (1-1), ndetse na Mukura VS inganya na Gasogi United (1-1).

Ku wa Gatatu tariki 3/11/21

Police 0-2 Espoir FC
Bugesera vs Etincelles
Rutsiro vs Rayon
Gicumbi vs Etoile
APR FC vs Musanze

Ukeneye kwamamaza! Gusobanuza! Gutanga amakuru? Hamagara 0788772818

UMUSEKE.RW