Abakinnyi 5 ba Gasogi United basanzwemo Covid-19, iravugwa no mu yandi makipe

Bamwe mu bakinnyi b’ikipe ya Gasogi United banduye icyorezo cya COVID-19 ntibaza kugaragara mu mukino wa Shampiyona uyihuza na Police FC.

Mbere y’uko Gasogi United ikina uyu mukino wa 11 wa Shampiyona y’Icyiciro cya mbere ikina na Police FC abakinnyi batanu ba Gasogi basanzwemo Coronavirus.

Bugingo Hakim, Tresor Ndabarasa, Tuyisenge Hakim, Aimable Kwizera na Prosper Rugangazi ni bo bakinnyi basanzwemo Coronavirus.

Aba bakinnyi banduye Coronavirus nyuma y’abakinnyi n’abatoza ba APR FC banduye iki cyorezo, ndetse kiravugwa kuri bamwe mu bakinnyi ba Rayon Sports bagera kuri 4.

Itangazo rya Minisiteri y’ubuzima ryaraye risohotse kuri uyu wa kabiri tariki 28/12/2021, rivuga uko ubwandu buhagaze, rigaragaza ko abanduye Coronavirus mu Rwanda ari 998, barimo abo mu Mujyi wa Kigali 532 mu gihe yahitanye ubuzima bw’umuntu umwe.

Gasogi United irakina na Police FC idafite idafite Armel Ghislain utarikingiza, Heron na we ntabwo ahari kubera ikibazo cy’imvune.

Iko imikino iteganyijwe:

Ku wa Gatatu:

APR FC vs Espoir FC
Police FC vs Gasogi United
Bugesera FC vs Kiyovu SC

Ku wa Kane, 30-12-2021

Rutsiro FC vs Gorilla FC
AS Kigali vs Mukura VS&L

UMUSEKE.RW