Irushanwa rya B&B Burudani Mix Festival III ryateguwe na B&B Sports Agency, rizahuza amakipe ane y’umupira w’amaguru arimo Kiyovu Sports na Rayon Sports.
Iri rushanwa rizatangira tariki 5 Nzeri 2023, kuri Stade ya Ngoma. Amakipe ane, Kiyovu Sports, Rayon Sports, AS Kigali na Étoile de l’Est, ni yo biteganyijwe ko azaryitabira.
Urucaca ruzahura na Étoile de l’Est Saa Cyenda n’igice, uyu mukino uzahite ukurikirwa n’uwa Rayon Sports na AS Kigali uzakinwa Saa Kumi n’Ebyiri z’umugoroba.
B&B Sports Agency yateguye Irushanwa B&B Burudani Mix Festival III rizahuza amakipe ane, rizatangira ku wa Kabiri, tariki 5 Nzeri 2023 kuri Stade ya Ngoma mu Ntara y’Iburasirazuba. Amakipe azaryitabira ni Kiyovu Sports Sports izahura na Etoile de l’Est ku wa Kabiri saa Cyenda n’Igice mbere y’uko Rayon Sports icakirana na AS Kigali saa Kumi n’Ebyiri z’umugoroba.
Umukino w’umwanya wa gatatu n’umukino wa nyuma, bizakinirwa kuri Kigali Pelé Stadium ku wa Gatanu tariki 8 Nzeri 2023. Ikipe izaba iya Mbere izahabwa igikombe na miliyoni 3 Frw, iya Kabiri izagenerwa miliyoni 1.5 Frw mu gihe iya Gatatu izahabwa miliyoni 1 Frw.
Abajijwe ku kuba ikipe ya Kiyovu Sports igiye kwitabira ritari shampiyona kandi ririmo umukeba wa bo, Rayon Sports, Mvukiyehe Juvénal uyobora Kiyovu Sports Ltd, yasubije ko Abayovu bamaze gucira umurongo iyi kipe y’i Nyanza kuko ari na bo bayizanye mu Mujyi wa Kigali.
HABIMANA SADI/UMUSEKE.RW