Nyuma yo gutandukana n’ikipe ya APR FC, Nsanzimfura Keddy yamaze kubona akazi mu kipe yo mu gihugu cya Misiri mu Cyiciro cya Kabiri.
Ku wa Gatatu tariki 6 Nzeri 2023, ni bwo hamenyekanye amakuru y’isinya rya Nsanzimfura uteri ufite akazi nyuma yo gutandukana n’ikipe y’Ingabo.
Amakuru UMUSEKE ukesha nyiri ubwite, ni uko nyuma yo kumara ukwezi ahakora imyitozo ngo yigaragaze, Keddy yasinye amasezerano y’imyaka ibiri mu kipe ya El-Qanah FC ikina mu Cyiciro cya Kabiri.
Ati “Nasinye amasezerano y’imyaka ibiri muri El-Qanah FC yo mu Cyiciro cya Kabiri mu Misiri.”
Uyu musore w’imyaka 22 yazamukiye mu kipe y’abato ya Kiyovu Sports ndetse aranayikinira, aca muri La Jeunesse FC, ajya muri APR FC ndetse atizwa muri Marine FC ari na ho yakinaga umwaka ushize w’imikino.
HABIMANA SADI/UMUSEKE.RW