Umuhanzi Lil Chance wamenyekanye mu muziki nyarwanda mu myaka ishize akaza kuwuhagarika, yongeye kuwugarukamo ahereye ku ndirimbo nshya yise ‘Fall in Love’.
Iyi ndirimbo irimo ishusho y’umusore wishimiye umukobwa ku nshuro ya mbere agahita amwiyumvamo.
Ni indirimbo ibyinitse ikozwe mu buryo bugezweho yakiriwe neza n’abari bakumbuye uyu muhanzi wakanyujijeho mu Karere ka Rubavu n’ahandi.
Mu kiganiro na UMUSEKE, yahishuye ko yafashe igihe kirekire kugira ngo abanze yiyubake azagaruke mu muziki afite ubushobozi bwo gukora ibintu binoze.
Asobanura ko yabanje gushaka umurongo w’ubuzima n’amafaranga yo gushora mu mpano ye kuko umuziki usaba igishoro.
Ati ” Umuziki ni ibintu byanjye, nafashe umwanya uhagije nubaka isoko y’ibizamfasha guhatana ku isoko ry’imbere mu gihugu no hanze yacyo.”
Lil Chance yabwiye UMUSEKE ko ku ikubitiro yashyize hanze indirimbo “Fall in Love” izakurikirwa na Extended Paly [ EP] yamaze gutunganya.
Uyu muhanzi uri gukorana na Label yitwa ‘Da Luuma Entertainment” yamenyekanye mu ndirimbo zirimo ‘Icyawe nicyo cyanjye’, ‘Awuku’ n’izindi.
Reba indirimbo Fall in Love ya Lil Chance
- Advertisement -
NDEKEZI JOHNSON / UMUSEKE.RW