Perezida wa Repubulika Paul Kagame, akaba n’Umugaba w’ikirenga w’Ingabo z’u Rwanda,yagize Maj.Gen Alexis Kagame, umugaba Mukuru w’Inkeragutabara naho Maj Gen Andrew Kagame agirwa umuyobozi wa diviziyo ya mbere mu ngabo z’u Rwanda ikorera mu Mujyi wa Kigali no mu Ntara y’Iburasirazuba.
Maj.Gen Alexis Kagame yari aherutse kurangiza inshingano nk’Umuhuzabikorwa w’Ibikorwa by’Inzego z’Umutekano z’u Rwanda, Joint Task Force Commander, muri Mozambique.
Kuri uyu mwanya, Maj Gen Alex Kagame asimbuye Major General (Rtd) Amb Frank Mugambage.
Maj Gen Andrew Kagame wagizwe Umuyobozi wa Diviziyo ya mbere, yari asanzwe ari Umugaba Mukuru wungirije w’Inkeragutabara. Asimbuye Maj Gen Emmy Ruvusha uherutse kugirwa Umuhuzabikorwa w’Ibikorwa by’Inzego z’Umutekano z’u Rwanda muri Mozambique.
UMUSEKE.RW