Kwibuka abakinnyi (sportifs) bishwe muri Jenoside yakorewe Abatutsi mu mwaka wa 1994, by’umwihariko abo mu mukino wa Volleyball, Gisagara VC na Rwanda Revenue Authority Volleball Club mu bagore ni zo zegukanye ibikombe.
Guhera ku wa Gatanu tariki 25/06/2021, Ishyirahamwe ry’umukino wa Volleyball mu Rwanda (FRVB) ryateguye irushanwa rigamije Kwibuka abahoze ari abakinnyi, abakunzi ndetse n’abandi bose babarizwaga mu muryango wa Volleyball bazize Jenoside yakorewe Abatutsi mu mwaka wa 1994.
Ni irushanwa ryitabiriwe n’amakipe asanzwe akina mu cyiciro cya mbere mu Rwanda, ndetse hazamo n’amakipe yo muri Kenya arimo Kenya Ports Authority (mu bagabo), no mu bagore haza ikipe ya Nairobi Water.
Mu bagore, ikipe ya RRA VC ndetse na APR VC ni zo zaje guhurira ku mukino wa nyuma, urangira RRA ari yo yegukanye igikombe.
Umwanya wa gatatu utwarwa na Nairobi Water itsinze UTB WVC amaseti 3-2.
Mu bagabo ikipe ya Gisagara VC nyuma yo gutsinda ikipe ya UTB muri ½ mu mukino wari ugoranye ku maseti 3-2, yaje guhurira ku mukino wa nyuma na REG VC yasezereye APR VC.
Umukino urangira Gisagara VC ari yo yegukanye igikombe itsinze REG amaseti 3-1, ihabwa sheki ya Miliyoni 2Frws, kimwe na RRA na yo yahawe ayo mafaranga.
Iza kabiri zahawe Miliyoni 1 Frws, naho iza gatatu zihabwa ibihumbi 500 Frws.
REBA YouTube Channel UMUSEKE TV video nziza nk’iyi. UKORA LIKE SHARE na COMMENT
- Advertisement -
UMUSEKE.RW
