Abasirikare batatu bari mu bagerageje guhirika ubutegetsi bwa Perezida Ali Bongo ubwo mu mwaka 2019 yari arwaye Stroke, bakatiwe n’urukiko rwo mu murwa Mukuru Libreville igifungo cy’imyaka 15 bari muri gereza.
Lt Kelly Ondo, umwe mu bagize umutwe urinda Perezida n’abandi babiri bafatanyaga akazi baciwe ihazabu ya miliyoni 31 CFA (amafaranga akoreshwa muri iki gihugu) angana n’amadolari $ 56,100 kandi buri birukanwa mu gisirikare.
Bose uko ari batatu bahamwe icyaha cyo guhungabanya umutekano w’imbere mu gihugu, umugambi mubisha hamwe n’icyaha cy’ubujura.
Umwunganizi wabo Jean-Pierre Moumbembe avuga ko azajuririra iki gihano bahawe.
Ni mu gihe abo bari bafatanyije barimo abapolisi batanu n’umusivire umwe na bo ubushinjacyaha bwabasabiye kugirwa abere.
Ku wa 7 Gashyantare 2019 nibwo agatisiko k’abasirikare kayobowe na
Lt Kelly Ondo, bagiye kuri Televiziyo na Radiyo by’igihugu batangaza ko bafashe ubutegetsi gusa iyo Coup d’Etat iza gupfuba.
Icyo gihe babiri muri bo bahasize ubuzima barimo na Lt Kelly Ondo Obiang wari ubayoboye, abandi batabwa muri yombi.
REBA YouTube Channel UMUSEKE TV video nziza nk’iyi. UKORA LIKE SHARE na COMMENT
- Advertisement -
TUYISHIMIRE Raymond / UMUSEKE.RW
