Kapiteni w’ikipe y’ingabo z’igihugu Manzi Thierry aganira n’urubuga rw’iyi kipe yageneye ubutumwa abakinnyi abasaba kuzicunga bikoresha imyitozo kugira ngo batazasubira inyuma.
Manzi Thierry yasobanuke uko umukinnyi akwiye kwitwara mu gihe ikipe itari gukina haba gukora imyitozo cyangwa kurangwa n’ikinyabupfura mu buzima busanzwe.
Ati: ‘‘Iyo Shampiyona irangiye buri mukinnyi ajya mu rugo akajya aho atuye agatangira kujya mu buzima butandukanye n’ubwo yari arimo, ariko ntakwirengagiza akazi asanzwe akora umunsi ku wundi kuko umupira w’amaguru Icyumweru kimwe cyangwa ibyumweru bibiri udakora imyitozo ugaruka warasubiye inyuma, niyo mpamvu buri mukinnyi wese aba agomba gukora imyitozo.”
Manzi Thierry avuga ko ubu aho ari mu biruhuko yikoresha imyitozo we ubwe yipangira ku giti cye. Avuga ko bifasha umubiri gukomeza kumenyera, kuko ngo iyo bitabaye gutyo umubiri uragenda ukabyibuha ugasanga igihe cyo kugaruka mu myitozo umubiri warabyibushye cyane bikagora umukinnyi guhita ugaruka vuba.
Ati “Rero navuga ko umukinnyi utekereza ku mpano ye agomba kwikoresha, ni umwanya rero wo kwikoresha kugira ngo igihe tuzasubirira mu myitozo tuzasange twese tugifite imbaraga n’umubiri ukimeze neza.”
Yasabye abakinnyi ayobora kwirinda kujya mu bindi kugira ngo bazasubire mu kibuga biborohera kugaruka ku murongo mu buryo bwihuse.
Ati “Dukomeze twirinde hano hanze hari icyorezo, twirinde twikoreshe n’iyo myitozo tuzajye gutangira undi mwaka wa Shampiyona tumeze neza.”
APR FC imaze gutwara ibikombe bibiri bya Shampiyona idatsinzwe umukino n’umwe.
https://p3g.7a0.myftpupload.com/apr-fc-idatsinzwe-na-rimwe-yegukanye-igikombe-cya-shampiyona-cya-19-lague-yahise-asezera.html
- Advertisement -
REBA YouTube Channel UMUSEKE TV video nziza nk’iyi. UKORA LIKE SHARE na COMMENT
IVOMO: APR FC Website
UMUSEKE.RW