Ukeneye kwamamaza! Gusobanuza! Gutanga amakuru? Hamagara 0788772818
Nyuma y’amaserano y’ubufatanye Rayon Sports yasinyanye na Raja Club Sports izwi nka Raja Casablanca yo muri Morocco, Rayon Sports yamaze kuba isinyisha Umunya-Moroc ukina mu kibuga hagati witwa Ait Lahssaine Ayoub w’imyaka 21, ni umukinnyi uje muri Rayon Sports nk’intizanyo.
Nk’uko Rayon Sports yabinyujije kuri Twitter yayo, yavuze ko uyu mukinnyi ukiri muto ari uw’ikipe y’abato ya Raja Casablanca, akaba yatijwe iyi kipe mu buryo bujyanye n’amasezerano y’ubufatanye basinyanye.
Ait Lahssaine Ayoub yamaze kuba atizwa Rayon Sports mu gihe cy’umwaka umwe.
Muri Nyakanga 2021, nibwo umuyobozi wa Reyon Sports, Uwayezu Jean Fidele, yagiye mu gihugu cya Morocco gusinyana amasezerano y’ubufatanye na Raja Casablanca. Mu byo bemeraanyijwe harimo no guhanahana abakinnyi.
NKURUNZIZA Jean Baptiste / UMUSEKE.RW
