Volleyball: U Rwanda rwarezwe gukinisha abanya Brazil badafite ibyangombwa

webmaster 17/09/2021 1:55

Ukeneye kwamamaza! Gusobanuza! Gutanga amakuru? Hamagara 0788772818

Umukino w’ u Rwanda na Senegal mu gikombe cya Afurika cya Volleyball mu bagore,wari uteganyijwe kuba kuri uyu wa Kane saa 18:00 wasubitswe nyuma y’uko ikipe ya Maroc ireze u Rwanda ko rwakinishije abakinnyi bakomoka muri Brazil, kandi batujuje ibyangombwa.

*Umukino wagombaga guhuza u Rwanda na Cameroon wasubitswe.*

Maroc yatanze ikirego ivuga ko aba bakinnyi bakiniye ikipe y’igihugu ya Brazil aho bakomoka.

Usibye Maroc, ikipe ya Nigeria nayo yareze u Rwanda gukinisha abakobwa barimo Aline Squeira, ApolinarioCaroline Taiana na Moreira Bianca Gomeza, aba bakobwa bakomoka muri Brazil ni ubwa mbere bakiniye u Rwanda.

Nigeria yatsinzwe n’u Rwanda amaseti 3-0,yanditse iyi baruwa ku wa 15 Nzeri,isaba ko amanota u Rwanda rwabonye rumaze kubatsinda rwayamburwa bakayahabwa.

Muri iyi baruwa,Nigeria yavuze ko u Rwanda rwakoresheje abakinnyi badafite ibyangombwa bakomoka muri Brazil.

U Rwanda rwari gukina na Senegal mu mukino wa 3 wo mu itsinda A, rwamaze kwizera gukina ½ nyuma yo gutsinda imikino ibiri ibanza, ariko rwasabwaga gushimangira ko ruzamuka nk’ikipe ya mbere kugira ngo ntiruzahure na Cameroun ifite irushanwa riheruka ndetse ikaba ihabwa amahirwe yo kuryisubiza.