Ikipe ya APR FC yitegura ikipe ya Etoile Sportive du Sahel, yahinduye ikibuga cy’imyitozo, aho igiye kujya ikorera kuri Stade Regional i Nyamirambo, aho umukino uzakinirwa.
APR FC izabanza kwakira Etoile Sportive du Sahel, ni umukino uzaba tariki ya 15 Ukwakira, 2021 uwo kwishyura uzabera muri Tunisia tariki ya 22 Ukwakira, 2021.
APR FC yari isanzwe ikorera imyitozo ku kibuga cya Shyorongi, guhera kuri uyu wa kabiri bakaba ari bwo batangira gukorera i Nyamirambo.
APR FC isezereye iyi kipe yo muri Tunisia izahita ijya mu matsinda ya CAF Champions League, mu gihe yatsindwa yahita imanuka muri Confederations Cup.
APR FC ikomeje imyitozo idafite abakinnyi 2, Byiringiro Lague wagiriye imvune mu ikipe y’igihugu muri Nzeri ubwo yakinaga na Kenya, akaba azagaruka mu kibuga umwaka utaha.
Omborenga Fitina na we wagiriye imvune mu ikipe y’igihugu iheruka gukina na Uganda kuri Stade Regional i Nyamirambo tariki ya 7 Ukwakira 2021.
Ukeneye kwamamaza! Gusobanuza! Gutanga amakuru? Hamagara 0788772818
UMUSEKE.RW
