Rutsiro FC yiziritse kuri Rayon Sports ziranganya, APR FC icyuye itsinzi kuri Musanze FC

Shampiyona y’icyiciro cya mbere mu mupira w’amaguru, umunsi wa kabiri urangiye ibigugu bimwe bitabashije kwitwara neza, Rayon Sports FC igabanye amanota atatu na Rustiro FC, zinganyije 2-2 i Rubavu, APR FC mu minota 45 y’igice cya kabiri ibashije gutsinda Musanze FC 2-0.

Iyi mikino yari yitezwe na benshi, kuri Sitade ya Kigali i Nyamirambo APR FC yari yakiriye Musanze FC. Umukino wabanje kugorana mu gice cya mbere ariko APR FC iza kubona urufunguzo rw’ibitego itsinda 2-0 ku gice cya kabiri.

APR FC itsindiwe Ruboneka Jean Bosco ndetse na Manishimwe Djabel.

Undi mukino wari uhanzwe amaso ni Rayon Sports yari yahawe ikaze i Rubavu n’ikipe ya Rutsiro FC isanzwe iyigora. Rayon yahabwaga amahirwe ugereranyije na Rutsiro FC umukino ugitangira.

Rayon Sports yari yatsinze Mukura 1-0 mu mukino wa mbere wa Shampiyona naho Rutsiro FC yari yanganyije na Etencelles FC 0-0.

Rayon Sports kurunguruka izamu rya Rutsiro FC, ku munota wa karindwi umukinnyi Onana kuri Penaliti yinjije igitego biba 1-0.

Ku munota wa 24’ Rayon Sports yunzemo itsinda icya kabiri cya Machenzie NIZIGIYIMANA nyuma y’uko azamukanye umupira agacenga ba myuga ba Rutsiro FC akaboneza umupira mu izamu.

Ku munota wa 45’ Rutsiro FC yatsinze igitego cya Jean Claude NDARUSANZE kuri Penaliti biba 1-0. Igice cya mbere cyarangiye Rayon Sports iri imbere na  2-1.

Mu gice cya kabiri amakipe yakinaga asatira biza kugera ku monota wa 89’ Rayon Sports iri imbere n’ibitego 2-1.

Ku makosa y’umunyezamu Hategimana Bonheur yo gutinza umukino yeretswe ikarita ya kabiri y’umuhondo ku ikosa rimwe Rayon basigara ari 10 mu kibuga.

Hinjiyemo Bashunga Abuba amusimbuye ako kanya na we yeretswe ikarita y’umuhondo n’ubundi ku ikosa ryo gutinza umukino. Muri ako kanya Rutsiro yotsaga ititutu ishaka kwishyura yazamukanye umupira n’ubundi ugana mu izamu rya Rayon Sports, usanga kabuhariwe Ndarusanze Jean Claude ashyiraho umutwe ujya mu izamu ku munota wa nyuma biba 2-2.

Imikino uko yagenze:

Polise FC 0-2 Espoir FC
Rutsiro FC 2-2 Rayon Sports
Gicumbi FC 2-0 Etoile de l’est FC
Bugesera FC 3-1 Étincelles FC
APR FC 2-0 Musanze FC

Ukeneye kwamamaza! Gusobanuza! Gutanga amakuru? Hamagara 0788772818

UMUSEKE.RW