Stade Umuganda yari yateje impaka yemerewe gukinirwaho

Minisiteri wa Siporo yemeye  ubusabe bwa FERWAFA bwo guha uburenganzira ikipe zakirira imikino kuri Stade Umuganda kongera kuhakinira kuko imirimo yo gusana yarangiye.

Usibye iki cyemezo cy’uko amakipe yemerewe kwakirira imikino kuri Stade Umuganda, Minisiteri ya Siporo yemeye ko iyi Stade izakira abafana bubahirije amabwiriza yashyizweho yo kwirinda COVID-19.

Stade Umuganda iherere mu Karere ka Rubavu, aho ikipe nka Marines FC, Rutsiro FC na Etincelles ariho zakirira imikino yazo ya Shampiyona.

Ku mukino w’umunsi wa gatatu wa Shampiyona nibwo izi kipe zamenyeshejwe n’Ishyirahamwe ry’umupira w’amaguru mu Rwanda ko zitemerewe kwakirira imikino yazo kuri iyi Stade, bamenyeshwa kwerekana ibindi bibuga bazajya bakiniraho imikino ya shampiyona.

Biteganyijwe ko imikino y’umunsi wa gatanu wa shampiyona iteganyijwe mu mpera z’iki cyumweru ko izabera kuri iyi Stade ya Rubavu.

Ikipe ya Marine FC ubwo yamenyeshwaga ko Stade itagikiniweho yagombaga kwakira Mukura VS hari ku wa Gatanu tariki ya 19 Ugushyingo 2021,  mu gihe Etincelles yari kwakira APR FC.

https://p3g.7a0.myftpupload.com/ihagarikwa-rya-stade-umuganda-rikomeje-guteza-impaka-hagati-ya-ferwafa-namakipe-yi-rubavu.html

UMUSEKE.RW