The Ben ari gukorana indirimbo na Diamond Platnumz

Babinyujijie ku mbuga nkoranyambaga, Mugisha Benjamin uzwi nka The Ben na Diamond Platnumz wo muri Tanzaniya beruye ko bari gukorana indirimbo yitezweho kuzanyeganyeza imbamutima z’abakunzi b’umuziki.

Mu mashusho bombi banyujije ku mbuga nkoranyambaga zabo bari muri Studio, yakuye urujijo ku ndirimbo hagati yaba bahanzi bombi.

Kuri Instagram, Diamond Platnumz yashyizeho amashusho yerekana ari kumwe na The Ben, RJ The Dj usanzwe yitwa Romy Jones ndetse na Producer S2Kizzy wo muri Wasafi Records.

The Ben waherukaga kugaragara ari kumwe na Diamond muri Leta Zunze ubumwe z’Amerika nawe yasangije abakunzi be amashusho ari kumwe na Diamond Platnumz bari gukora indirimbo.

Muri Tanzania, The Ben ari kumwe na Producer Made Beat na Julien BMJizzo usanzwe utunganya amashusho.

Indirimbo The Ben ari gukorana na Diamond Platnumz nta gihindutse izasohoka kuri Albumu izajya hanze mu mpera z’umwaka.