Munezero Aline wamamaye mu ruganda rwa sinema nyarwanda nka Bijoux muri filime ya Bamenya kuri iki cyumweru tariki ya 19 Ukuboza 2021, yakorewe ibirori byo gusezera ubukumi ”Bridal Shower”.
Bijoux aritegura gukora ubukwe n’umuhanzi uzwi mu njyana gakondo Lionel Sentore utuye ku mugabane w’uburayi.
Mu cyumweru gishize nibwo Bijoux yari yambitswe impeta na Sentore wamusabaga kubana akaramata maze agasubiza “YEGO” nta kuzuyaza.
Abinyujije kuri Instagram, Munezero Aline uzwi nka Bijoux yasangij abakunzi be amafoto y’ibirori yakorewe asezera ubukumi.
Ni ibirori yakorewe n’abo mu muryango we ndetse n’urugangano, byari ibyishimo bidasanzwe ku mpande zose.
Kuya 10 Kanama 2021, nibwo Bijoux yatunguye abamukurikira yerura ko ari mu munyenga w’urukundo na Lionel Sentore.
Yagize ati ” Gukunda ntacyo bimaze, igifite umumaro ni ugukundwa. Ariko ikiruta byose ni ugukunda ukanakundwa. Ndagukunda Lionel Sentore.”
Ubukwe bwa Lionel Sentore n a Munezero Aline buzaba kuwa 08 Mutarama 2022.
- Advertisement -
REBA YouTube Channel UMUSEKE TV video nziza nk’iyi. UKORA LIKE SHARE na COMMENT
NDEKEZI BENITA / UMUSEKE.RW
