FARDC yongeye gushinja umutwe wa M23 kuyigabaho igitero i Runyoni

Muri Teritwari ya Rutshuru muri Kivu ya Ruguru haravugwa igitero gishya cyakozwe n’umutwe wa M23 ku birindiro by’Ingabo za Leta FARDC ahitwa i Runyoni.

Ni igitero cya kane kigabwe ku Ngabo za Leta gikozwe na M23 kuva kuwa 07 Ugushyingo 2021.

Umutwe wa M23 ntacyo uratangaza kuri igi gitero, uhakana ibitero ushinjwa na FARDC ugasaba ko Leta isubukura ibiganiro bagatahuka mu gihugu byemewe.

Mu mpera z’ukwezi k’Ugushyingo 2021, FARDC yatangaje ko iri kugenzura ibirindiro by’ahitwa Ngugo muri Gurupema ya Rugari na Nyasisi muri Gurupema ya Kisigari, ni nyuma y’imirwano ikaze bivugwa ko ingabo za Leta zahanganyemo n’abahoze mu mutwe wa M23.

Kuwa 20 Ugushyingo  abacunga umutekano muri Pariki y’Ibirunga ku nkengero z’igiturage cya Bakina bavuze ko bagabweho igitero n’umutwe wa M23. ni  Mikeno muri Teritwari ya Rutshuru.

Ibibazo by’umutwe wa M23 byongeye kuvugwa muri uku kwezi kw’Ugushyingo 2021, RD Congo itunga agatoki ibihugu birimo u Rwanda gufasha uyu mutwe wari waratsinzwe buhenu.

Leta ya Kinshasa ivuga ko aba barwanyi batera baturutse mu Rwanda mu gihe u Rwanda ruvuga ko ntaho ruhuriye nibyo bitero ko ahubwo ababikora baturuka muri Uganda.