Igikorwa cyo gupimira umuriro ahahurira abantu benshi cyari kimaze igihe kiri mu ngamba zo kwirinda ikwirakwira ry’icyorezo cya Covid-19 mu Rwanda, cyakuweho.
Bikubiye mu itangazo ryasohowe na Minisiteri y’Ubuzima ku mugoroba wo kuri uyu wa Kane tariki 17 Werurwe 2022.
Imyaka ibiri irashize icyorezo cya COVID-19 kigeze mu Rwanda, cyatumye inzego z’ubuzima zishyiraho ingamba zinyuranye zirimo n’iki cyo gupima umuriro ahahurira abantu benshi kugira ngo ufite umuriro mwinshi nka kimwe mu bimenyetso by’iki cyorezo, ashyirwe mu kato habanze hamenyekane ko atarwaye.
Iki gikorwa cyari gisanzwe gikorwa ku bigo byakira abantu benshi nka Hoteli, ku bibuga by’imikino ndetse no ku masoko, cyakuweho kuri uyu wa Gatatu.
Itangazo rya Minisiteri y’Ubuzima rikuraho iki gikorwa, rivuga ko iyi Minisiteri imenyesha abantu ko “Ibikorwa byo gupima umuriro ku marembo y’ahahurira abantu benshi bitagikenewe kandi bitagifatwa nk’imwe mu ngamba zo kwirinda ikwirakwizwa rya COVID-19.”
Iri tangazo risaba ibigo bya Leta, iby’abigenga n’abategura gahunda zihuza abantu benshi, guhagarika iki gikorwa.
Cyakora Minisiteri y’Ubuzima yibukije abaturarwanda gukomeza kubahiriza izindi ngamba zirimo kwambara neza agapfukamunwa ndetse no kwikingiza byuzuye.
UMUSEKE.RW
Harakabaho Putin we watangije urugamba kuri Ukraine ibintu byose by’ibipindi na Business biri muri COVID-19 bigahita bihagarara akwiriye igikombe cya Nobel Prize mubushakashatsi kuko yabonye umuti wa COVID wari warananiye abashakashatsi batandukanye