Mu gihe habura amasaha make ngo hatangire irushanwa rya Africa Basketball League [BAL], hari byinshi kuvuga kuri iri rushanwa, ariko kuri iyi nshuro turagaruka ku mibare yaryo ivuga.
1 -Umunya Australia, Liz Mills, umutozamukuru w’ikipeya AS Salé, yabaye umugore wa mbere watoje ikipe muri irirushanwa rya BAL mu gice cya ‘Sahara Confrence’, ryabereye i Dakar muri Senegal kuva tariki 5-15 Werurwe 2022.
Liz Mills akaba yarayoboye AS Salé ayifasha kwegukana uwanya wa Gatatu, aho yatsinze imikino itatu, itsindwa ibiri, biyihesha itike yogukina imikino ya nyuma y’iri rushanwa.
2- Irushanwa rya BAL ririmo kuba ku nshuro yaryo ya Kabiri, rigiye guhuza amakipe Umunani meza muri Afurika, ari yo 4 yitwaye neza mu gice cyiswe ‘Nile Conference’ndetsena ‘Sahara Conference’. Ikipe ya Zamalek ni yo ifite igikombe giheruka mu 2021, itsinze ku mukino wa nyuma w’irushanwa rya BAL, itsinze US Monastir amanota 76 kuri 63.
3- Nyuma yo kubera ahantu hamwe mu mwaka ushize kubera icyorezo cya COVID-19, kuri iyi nshuro irimo gukinirwa mu Mijyi itatu y’icyitegererezo muri Afurika ari yo; Dakar, Senegal (5-15 Werurwe); Cairo-Misiri (9-19 Mata) na Kigali, mu Rwanda (kuva tariki 21-28 Gicurasi).
3- Imikino ya BAL 2022, yagaragayemo abakinnyi batatu bahoze bakina muri shampiyona ya Leta Zunze Ubumwe za Amerika “NBA” ari bo; Jamel Artis wakiniye Cape Town Tigers yo muri Afurika y’Epfo (yakiniraga Orlando Magic), Ike Diogu wakiniye ikipe ya Zamalek (bwa nyuma muri NBA, yakiniye San Antonio Spurs) ndetse na D.J. Strawberry nawe wakiniye Zamalek (aho muri NBA, yakiniye Phoenix Suns).
4- Ibihugu Bine ni byo byahagarariwe ku nshuro ya mbere muri iyi BAL ya 2022: Ibini RDC (BC Espoir Fukash), Guinea (S.L.A.C), Afurika y’Epfo (Cape Town Tigers) na South Sudan (Cobra Sport). Amakipe ya S.L.A.C (Sahara Conference) na Cape Town Tigers (Nile Conference), zombie zabonye itike y’iyimikino ya nyuma aho zasoje ziri mu makipe ane ya mbere.
4- Abakinnyi bane bakomoka ku mugabane wa Afurika bagaragaye mu bitwaye neza mu mikino y’amatsinda. Aba ni; Mayan Kiir (Cobra Sport-South Sudan), ufite impuzandengo y’amanota 18.8, atanga imipira yavuyemo amanota 2.2, akora rebounds 11.4 ndetse yambura umupira umwe kuri buri mukino.
Undi ni; Amadou Harouna (AS Salé; Niger) – ufite impuzandengo y’amanota 19.8, atanga imipira yavuyemo amanita 3.6, akora rebounds 4 ndetse yambura umupira 1.6 kuri buri mukino.
- Advertisement -
Haza kandi; Rolly Fula Nganga (BC Espoir Fukash; RDC) – ufite impuzandengo y’amanota 18.4, atanga imipira yavuyemo amanota 5.6, akora rebounds 5.6 ndetse yambura umupira 1.2 kuri buri mukino.
Ni mu gihe Evans Ganapamo (Cape Town Tigers; Centrafrique ufite impuzandengo y’amanota 17.4, atanga imipira yavuyemo amanota 2.2, akora rebounds 3.8 ndetse yambura umupira 1.8 kuri buri mukino.
5- Abakinnyi batanu batsinze amanita menshi mu mikino y’amatsinda, bazagaragara mu mikino ya nyumaya BAL 2022.
Terrel Stoglin (AS Salé) – yatsinze amanota 33.2 kuri buri mukino
Marcus Crawford (S.L.A.C) – yatsinze amanota 21.4 kuri buri mukino
Billy Preston (Cape Town Tigers) – atsinda amanota 20.3 kuri buri mukino
Amadou Harouna (AS Salé) – atsinda amanota 19.8 kuri buri mukino
Edgar Sosa (Zamalek) – atsinda amanota 19.5 kuri buri mukino.
5- Amakipe atanu yagarutse muri iyi BAL ya 2022: Aya ni; Zamalek ifite igikombe giheruka mu 2021, US Monastir, Petro de Luanda yageze muri ½ hamwe na AS Salé na F.A.P. zombi zageze muri 1/4. Aya makipe yose uko ari atanu yabonye itike yo gukina imikino ya nyuma ya BAL 2022.
7- Amakipe arindwi yitabiriye BAL ku nshuro ya mbere. Aya makipeni; BC Espoir Fukash, Cape Town Tigers, Cobra Sport, CFV – Beira (Mozambique), DUC (Senegal), REG (Rwanda) na S.L.A.C.
8- Iyi mikino ya nyuma ya BAL 2022, izitabirwa n’amakipe umunani akomeye ku mugabane wa Afurika, ari yo 4 yitwaye neza mu gice cyiswe ‘Nile Conference’ na ‘Sahara Conference’.
Aya makipeni: REG BBC (Rwanda), Zamalek (Misiri), Petro de Luanda (Angola), S.L.A.C (Guinea), FAP (Cameroun), Cape Town Tigers (Afurikay’Epfo), AS Salé (Maroc) naUS Monastir (Tunisia).
11- Zamalek imaze imikino 11 idatsindwa muri BAL, ni nyuma yo gutsinda imikino yayo yose uko ari itanu mu gice cya Nile Conference. Umwaka ushize, Zamalek yarangije itandatu, idatsinzwe itwara igikombe cya shampiyona ya BAL 2021.
12-BAL yongeye guhuriza hamwe amakipe 12 ya mbere muri Afurika, aturutse mu bihugu 12 bya Afurika. Muri gahunda nshya ya BAL Elevate, umukinnyi umwe uturutse muri NBA Academy ya Afurika yashyizwe muri buri kipe 12 ya BAL 2022.
NBA Academy Africa ni ikigo gitorezwamo umukino wa basketball, giherereye i Saly muri Senegal, ahahurizwa abanyeshuri biga mu mashuri yisumbuye baturutse hirya no hino muri Afurika.
13- Itsinda ry’abakinnyi 13 bagaragaye mu matsinda y’icyiciro cya mbere bakinnye muri NBA G League, barimo Ater James Majok wo muri US Monastir, waje gutoranywa ku mwanya wa 58 na Los Angeles Lakers muri Draft ya NBA mu 2011.
13- BAL 2022 izanyura ku miyoboro ya Televiziyo 13 mu buryo butishyuzwa ku mugabane wa Afurika: 2STV (Senegal), Arryadia (Maroc), Awa TV (Nigeria),CISTV (Guinea), TV ya DigiCongo (RDC), K24, (Kenya), Kolo TV (Madagascar), On Time Sports (Middle East and North Africa), RBA (Rwanda), SABC Sports (South Africa), Tunis TV (Tunisia), TVM (Mozambique) na TV Zimbo (Angola).
15 -Ater James Majok (US Monastir), uyoboye abandi muri iri rushanwa rya BAL, mu gukora rebounds nyinshi mu mikino y’amatsinda, n’inshuro 15 cyangwa zirenga inshuro eshatu.
16 – Adonis Filer ukinira REG yashyizeho agahigo muri BAL ko gutanga impira 16 yavuyemo amanota mu mukino yo gufungura, wahuje ikipe ye na AS Salé. Filer yasoje iyo mikino afite impuzandengo yogutanga imipira ivamo aminota iri hejuru 9.2 kuri buri mukino.
19-Abakinnyi bagera kuri 19, muri aya makipe 12 yitabiriye irushanwa rya BAL, bahoze bakina Basketball Without Borders (BWB) Africa, NBA na porogaramu ya FIBA igamije iterambere ry’uyu mukino ku mugabane wa Afurika, yaje gusiga abagera ku icumi batowe muri gahunda ya Draft muri NBA.
Abahoze bari gahunda ya BWB, kuri ubu bakina muri NBA, barimo; Embiid (Philadelphia 76ers; Cameroon; BWB Africa 2011) na Pascal Siakam (Toronto Raptors; Cameroon; BWB Africa 2012).
30 –Amakipe uko ari 12 yitabiriye irushanwa rya BAL, yakoresheje abakinnyi 30 bahoze bakina muri shampiyona NCAA y’icyiciro cya mbere.
38 –Nyuma y’imikino ya mbere ya BAL ahakinwe imikino 26, iy’uyu mwaka wa 2022, yiyongereye igera ku mikino 38 yose hamwe. Ni ukuvuga imikino30 y’amatsinda ndetse n’imikino 8 ya nyuma.
41 –Terrel Stoglin ukinira ikipe ya AS Salé, wambara nomero 41, yashyizeho agahigo muri iyi mikino ya BAL, aho yashyizeho agahigo gashya ko gutsinda amanota 41, mu mukino ikipe ye yatsinzwemo na US Monastir amanota 96 kuri 90, hari muri mikino y’amatsindayo mu gice cya Sahara Conference.
Uyu akaba yarakuyeho agahigo yari asangwanywe ko gutsinda amanota 40, mu mikino y’amatsinda ya BAL mu 2021. Stoglin ni we wari uyoboye abandi mu gutsinda amanita menshi mu mikino y’amatsinda, ku mpuzandengo y’amanota 33.2 kuri buri mukino.
156- Amakipe 12 yitabiriye irushanwa rya BAL, yose hamwe yakinishije abakinnyi 156 baturutse mu bihugu 23 byo muri Afurika, Uburayi na Amerika.
199- Abanyamakuru 199 bahurijwe hamwe bahawe uruhushya rwo kwitabira no gutangaza amakuru y’imikino y’amatsindaya BAL yabereye i Dakar na Cairo.
215- Imikinoya BAL irimo kuba ku nshuro ya Kabiri, igera kubafana mu bihugu 215, kuri za Televiziyo ku buntu ndetse binishyuwe ku bufatanye na Canal +, ESPN, NBA TV, Tencent Sports, TSN, AFN, VOA, TV5Monde na VisionView TV kandi bikanyura kuri Porogaramu za NBA APP, NBA.com na NBA.com/BAL.
400.000.000- Iyi mikino ya BAL y’uyu mwaka wa 2022, imaze kwandikisha abafana barenga miliyoni 400 binyuze ku murongo wayo wa interineti, harimo miliyoni 66 z’abavuga rikijyana, miliyoni 22 z’abarebye amashusho, miliyoni 12 z’abakoresha imbuga nkoranyambaga na miliyoni enye zasuye urubuga rwa BAL (NBA.com) / BAL).
NKOMEJE GUILLAUME/UMUSEKE.RW