Ku Cyumweru tariki 5 Kamena, nibwo mu Akarere ka Bugesera hakinirwaga imikino ya nyuma yasozaga umwaka w’imikino mu bafite ubumuga.
Imikino yakinwe ni itatu, gusiganwa ku maguru, Boccia na Wheelchair. Iyi yose, Akarere ka Musanze kaje imbere.
Habanje imikino yo gusiganwa ku maguru no kujugunya mu bagabo no mu bagore. Ikipe zari zihagarariye Akarere ka Musanze mu byiciro byombi, zahize izindi bari bahanganye.
Hakurikiyeho imikino ya Boccia na Wheelchair mu bagabo no mu bagore. Ikipe yari ihagarariye Akarere ka Kicukiro, yegukanye igikombe cya Wheelchair mu cyiciro cy’abagore. Iyari ihagarariye Akarere ka Musanze mu bagabo, yegukana igikombe muri Wheelchair na Boccia.
Bisobanuye ko uretse ikipe yari ihagarariye Akarere ka Kicukiro mu bagore, mu bindi byiciro byose, Musanze ari yo yegukanye ibikombe.
UMUSEKE.RW