Ni ibyishimo byinshi mu muryango w’uyu munyamakuru uherutse kwimukira ku mugabane wa América.
Mu rukerera rwo kuri uyu wa Mbere, nibwo umuryango wa Taifa wibarutse umwana wa Kabiri [ubuheta] w’umukobwa. Ingabire yibarukiye umukobwa we mu bitaro bya Miami Valley Hospital.
Imfura y’aba bombi yitwa Ausborne wujuje umwaka umwe n’amezi atandatu.
Uyu muryango utuye muri leta ya Ohio mu Mujyi wa Dayton muri Leta Zunze Ubumwe za América. Uyu muryango wagiye muri iki gihugu nyuma yo gutsindira Green Card.
Taifa yakoze mu bitangazamakuru bitandukanye birimo RadioTv10, City Radio, BTN TV na Fine FM aherukaho.