Umutoza wa Liverpool FC ahamya ko ikarita y’umutuku yeretswe rutahizamu Darwin Nuñez yari ayikwiye ndetse yababajwe n’imyitwarire y’uyu mukinnyi.
Mu ijoro ryo ku wa Mbere tariki 15 Kanama 2022, ikipe ya Liverpool yakinaga umukino wa yo wa Kabiri wa shampiyona ubwo yanganyaga na Crystal Palace igitego 1-1.
Uretse kuba iyi kipe yatakaje umukino wa Kabiri nyuma yo kunganya na Fulham 2-2 mu mukino wa mbere wa shampiyona, rutahizamu wayo, Darwin Nuñez ntabwo yasoje umukino kuko ku munota wa 56 yeretswe ikarita itukura nyuma yo gukinira mugenzi we nabi.
Umutoza mukuru wa Liverpool, Jürgen Klopp, mu kiganiro n’abanyamakuru abajijwe icyo avuga kuri iyi karita, yasubije ko yababajwe n’imyitwarire mibi y’uyu rutahizamu we.
Ati “Nibyo rwose ni ikarita itukura. We [Nuñez] ararakara cyane. Ariko si gutya akwiye kwitwara.”
Ikipe ya Liverpool FC ifite amanota abiri mu mikino ibiri, mu gihe iyo basanzwe bahanganira igikombe cya shampiyona [Manchester City] ifite amanota atandatu nyuma yo gutsinda imikino ibiri.
Umukino wa Gatatu iyi kipe izakina na Manchester United yatsinzwe imikino yayo ibiri ibanza.
UMUSEKE.RW