Nyuma y’imirwano yabaye hagati y’abafana ba Étincelles FC n’aba APR FC mu mukino ikipe zombi zanganyijemo igitego 1-1, bamwe mu b’ikipe y’Ingabo baraye mu bitaro.
Kuri uyu wa Kane ikipe ya Étincelles FC yakinnye na APR FC mu mukino w’umunsi wa 15 wa shampiyona.
Amakipe yombi yagabanye amanota nyuma yo kunganya igitego 1-1. Nyuma y’uyu mukino habayemo gushyamirana ku bafana b’impande zombi, ariko bikaba byatangiye umukino utararangira.
Abahaye amakuru UMUSEKE, bahamya ko aba bafana barwaniye muri Stade no hanze ya yo, ndetse aba APR FC barakomereka kugeza ubwo bajyanwa kwa muganga.
Si ubwa abafana ba Étincelles FC baba bagaragaweho gushyamirana na bagenz ba bo, kuko nyuma y’umukino w’umunsi wa 13 wa shampiyona ubwo iyi kipe yatsindaga Rayon Sports ibitego 3-2, bashyamiranye n’aba Rayon Sports ariko inzego z’umutekano ziratabara.
Ibi biza byiyongera ku byabaye mu mwaka ushize nyuma y’umukino wa shampiyona iyi kipe y’i Rubavu yanganyijemo na AS Kigali igitego 1-1 ubwo abasifuzi bongeragaho iminota 12, maze abafana bananirwa kubyakira basagararira abasifuzi ariko inzego z’umutekano ziratabara.
UMUSEKE.RW