Irushanwa ry’utumodoka dukoresha amashanyarazi, Formula E, rigiye gukinirwa ku mugabane wa Afurika muri Afurika y’Epfo.
Iri siganwa rimaze gushyirwa mu akomeye ku Isi, ryitabirwa n’abakinnyi ndetse n’amakipe akomeye muri uyu mukino, harimo Mercedes-EQ n’ayandi.
Iry’uyu mwaka, rizabera mu Mujyi wa Cape Town muri Afurika y’Epfo. Biteganyijwe ko rizakinwa tariki 25 Gashyantare rikazatwara agera kuri miliyoni 117$.
Umunya-Afurika y’Epfo w’imyaka 26, Kelvin van der Linde, ni we Munyafurika uzaba ubaye uwa Mbere witabiriye iri rushanwa rya Formula E.
Iriheruka ryabaye 2021/2022, ryegukanywe n’Umubiligi ukinira ikipe ya Mercedes-EQ Formula E, Stoffel Vandoorne.
UMUSEKE.RW
