Irushanwa rya Dafabet RCA T10 Women’s Tournament 2023 ryasojwe mu mpera z’icyumweru gishize.
Iri rushanwa ryari ryitabiriwe n’amakipe atanu asanzwe akina shampiyona y’Icyiciro cya mbere mu bagore. Amakipe yitabiriye ni: Gabanga Queen’s CC, Indatwa CC Hampshkre, White Clouds CC, Sorwathe CC na Charity CC.
Ku mukino wa nyuma ikipe ya Charity CC ikaba yatsinze Indatwa Hampshire CC ku kinyuranyo cy’amanota atanu.
Muri uyu mukino Indatwa ni zo zatsinze Toss [Gutombora gutangira ukubita udupira (Batting)] cyangwa utera udupira (Bowling), maze bahitamo gutangira batera udupira,
Charity yatangiye ikubita udupira ndetse itsinda amanota 80 ikipe y’Indatwa ikaba yasohoye abakinnyi batanu ba Charity CC.
Ikipe y’Indatwa ntiyigeze ibasha gukuraho yari yashyizwemo kuko yashyizeho uko ari abiri kuko yari ifite 78, ndetse Charity yongeye inasohora abakinnyi batandatu b’Indatwa Hampshire.
Charity CC byarangiye yegukanye igikombe ku kinyuranyo cy’amanota abiri, ihita ihabwa igikombe cyaherekejwe n’amafaranga ibihumbi 500 Frw.
Ikipe yabaye iya Kabiri, yahembwe ibihumbi 250 Frw. Hahembwe kandi abakinnyi bitwaye neza kurusha abandi muri iri rushanwa.
Abahembwe ni:
- Advertisement -
Ikuzwe Alice wa Sorwathe CC wabaye Best Fierder.
Bimenyimana Marie Diane wa Sorwathe CC wabaye Best bowler.
Awino Kevin yabaye Best batter.
Ishimwe Gisèle w’Indatwa CC yabaye uwatsinze amanota atandatu inshuro nyinshi.
Mbabazi Jeannette yabaye umukinnyi w’irushanwa.
UMUSEKE.RW