Imikino nyafurika y’abakozi yaberaga i Banjul muri Gambia yarangiye, ikipe y’abagore ya Volleyball ya RRA yari mu zihagarariye u Rwanda yatsindiye ibikombe bibiri.
Ikipe y’abagore ya RRA yatwaye ibikombe bibiri muri Volleyball mu bakina ari 3 no mu bakina ari 6, ikaba yatsinze Gambia Police Force seti 3 ku busa.
Ikipe ya Volleyball ya WASAC mu bagabo yegukanye umwanya wa 2 mu bakina ari 3, ikaba yatsinzwe na GAMTEL/GAMCELL.
Mu mupira w’amaguru, ikipe ya RBC mu bagabo yegukanye umwanya wa 2 nyuma yo gutsindwa na Senegal 2-1 ku mukino wa nyuma.
Iyi mikino yaberaga i Banjul muri Gambia kuva tariki ya 09/03/2023.
Yateguwe n’ishyirahamwe nyafurika ry’imikino y’abakozi, u Rwanda rwahagarariwe n’amakipe ya RRA Women Volleyball Team, WASAC Volleyball Team (men) na RBC Football (men).
TWUBAHE Pascal i Banjul
