Mu gihe habura amasaha make ngo hatangire irushanwa ryo kwibuka Padiri Kayumba ritegurwa n’ishuri rya Groupe Scolaire Officiel de Butare mu rwego rwo kumwibuka nk’uwigeze kuba Umuyobozi waryo, amakipe asaga 30 amaze kwiyandikisha kuzakina iri rushanwa.
Iri rushanwa rizakinwa mu minsi ibiri ya tariki 4-5 Werurwe 2023 mu Akarere ka Huye.
Ubusanzwe, Padiri Kayumba Emmanuel wabaye Umuyobozi w’Ishuri ry’Indatwa n’Inkesha, yitabye Imana mu 2009 ariko guhera mu 2010 hahise hatangizwa irushanwa rya Volleyball rigamije kumwibuka kuko na we yari umukunzi ukomeye w’uyu mukino n’uruhare yawugizemo ngo utere imbere.
Iri rushanwa rikinwa n’amakipe yo mu cyiciro cya mbere mu byiciro byombi n’icya Kabiri mu bagabo. Uretse izo kandi, rinitabirwa n’amakipe y’ibigo by’ishuri byo mu Ntara y’Amajyepfo.
Amakipe amaze kwiyandikisha kuzitabira irushanwa:
Serie A [Abagabo]: Gisagara, Kirehe na Forefront
Serie A [Abagore]: RRA, Forefront, IPRC-Kigali, Ruhango, IPRC-Huye na GS St Philippe Neri.
Serie B [Abagabo]: GSOB, PSVF, Nyanza TSS, Collège du Christ Roi Nyanza, GS St Joseph Kabgayi, Gitisi TVET, GS Marie Reine Kabgayi, Ecole Ste Trinité, Collège St Ignace Mugina, Gisagara Academy.
Amashuri yisumbuye mu cyiciro rusange [Abahungu]: GSOB, PSVF, GS St Philippe Neri, Collège du Christ Roi Nyanza, Ecole des Sciences de Byimana, Regina Pacis, Ecole Secondaire Kigeme.
- Advertisement -
Abakanyujijeho: Mamba, Buffet Fort, Kudum, Tout Age, Umucyo na Nyanza.
Ikipe ya RRA ibitse igikombe cy’umwaka ushize mu cyiciro cy’abagore, mu gihe ikipe ya APR VC. Mu makipe y’Icyiciro cya Kabiri, mu bahungu, igikombe cyegukanywe na Collège du Christ Roi yatsinze Petit Séminaire Virgo Fidelis amaseti 3-2 (21-25, 28-26, 23-25, 28-26, 17-15).
UMUSEKE.RW
