Nyuma yo kubona itike yo kuzakina irushanwa ry’Igikombe cya Afurika cy’Abafite Ubumuga bakina umupira w’amaguru, African Para Games izabera Accra muri Ghana, ikipe y’Igihugu y’u Rwanda irimbanyije imyiteguro.
Guhera tariki 20 Kanama 2023, Ikipe y’igihugu y’u Rwanda y’umupira w’amaguru ku bafite Ubumuga, Amputee Football, ni bwo yatangiye umwiherero utegura imikino Nyafurika izabera muri Ghana.
Uyu mwiherero, urimo abakinnyi 12 barimo: Gatete Fidèle, Manirutabyose Patrick, Ntambara Jean Paul, Twagirimana Théoneste, Uwiringiyimana Isaac, Kubwimana Félix, Ayinzira Hamidu, Ndahiro Jean Claude, Ndayisenga Jean Claude, Byiringiro Placide, Bagaragaza Orest na Cyuzuzo Innocent.
Imikino ya African Para Games, iteganyijwe kuzaba guhera tariki 3-12 Nzeri uyu mwaka. U Rwanda ruri mu itsinda rya Gatatu, ririmo Angola, Kenya na Misiri.
HABIMANA SADI/UMUSEKE.RW
