Umuseke
  • Ahabanza
  • Nyamukuru
  • Mu cyaro
  • Ubukungu
  • Ubutabera
  • Amahanga
  • Imyidagaduro
  • Imikino
  • Utuntu n’utundi
  • Privacy Policy
Reading: Gicumbi: Abikorera baremeye abarokotse Jenoside batanga inka 10
Share
Umuseke
Aa
  • Ahabanza
  • Nyamukuru
  • Mu cyaro
  • Ubukungu
  • Ubutabera
  • Amahanga
  • Imyidagaduro
  • Imikino
  • Utuntu n’utundi
  • Privacy Policy
Shakisha
  • Ahabanza
  • Nyamukuru
  • Mu cyaro
  • Ubukungu
  • Ubutabera
  • Amahanga
  • Imyidagaduro
  • Imikino
  • Utuntu n’utundi
  • Privacy Policy
© 2023 UMUSEKE Ltd. All Rights Reserved.

Gicumbi: Abikorera baremeye abarokotse Jenoside batanga inka 10

Ange Eric Hatangimana Ange Eric Hatangimana 24/05/2023 6:57
Batanze inka 10 mu mirenge itandukanye

Urwego rw’abikorera ruravuga ko rwiyemeje kubaka umuryango nyarwanda, bikaba itandukaniro kuri bagenzi babo baranzwe no gutanga inkunga y’ibikoresho ngo basenye ubumwe bw’abaturage bitwaje ubwoko.

Batanze inka 10 mu mirenge itandukanye

Bavuga ko intwaro gakondo nk’imihoro, amacumu, imiheto, ibisongo n’ibindi bikoresho byifashishijwe mu kwica Abatutsi mu 1994, byatanzwe n’ubuyobozi bwariho, ariko harimo imbaga ya bamwe mu bacuruzi bikoreraga batanze inkunga yo kubigura ku giti cyabo, bagamije gusenya umuryango nyarwanda.

Kuri uyu wa 23 Gicurasi 2023 abikorera (PSF) mu karere ka Gicumbi batanze inka icumi zifite n’ubwishingizi buzamara umwaka, bazigeneye abarokotse Jenoside yakorewe Abatutsi mu rwego rwo kubafata mu mugongo.

Mutangana Alain Yves uhagarariye abikorera mu karere ka Gicumbi, avuga ko ikigamijwe ari uguhindura amateka mabi yaranze bamwe mu bacuruzi bagize uruhare mu gusenya ubumwe bw’ abanyarwanda.

Ati: “Twe nk’urwego rw’abikorera, PSF mu karere ka Gicumbi, twatekereje uburyo amateka mabi yaranze bagenzi bacu mu 1994 agomba guhinduka. Ni muri urwo rwego twatanze inka icumi zinafite ubwishingizi bw’umwaka, hagamijwe gufata mu mugongo abarokotse Jenoside yakorewe Abatutsi.”

Ku rwibutso rwa Nyarurama muri Ruvune

Yavuze ko igikorwa kizakomeza mu rwego rwo kubaka umuryango nyarwanda utarangwamo amacakubiri.

Bamwe mu bikorera barokokeye mu murenge wa Ruvune, bavuga ko nyuma y’itegurwa rya Jenoside, abikorera bagaragaje urwango rukabije mu 1994, kandi bakabikora bahereye kuri bagenzi babo bakoranaga.

Nzamuye Diogene utuye mu kagari ka Mabare mu murenge wa Ruvune, na we yari umucuruzi mu 1994, ariko ashimangira ko yarokotse kubera Imana, kuko abo bakoranaga bamukoreye iyicarubozo ku bw’amahirwe ntiyashiramo umwuka.

Ati: “Abo twacuruzanyaga hamwe ni bo ba mbere bateye iwange indege ikimara kugwa, barasahuye ibyo nacuruzaga byose, baranjyanye mu isoko bakankubita banyambitse ubusa mu bantu, ngerageza kwiruka ngo wenda banyice bakoresheje amasasu, barandasa ntibampamya, barongera baramfata bakankubita, ku bw’amahirwe bandeka bazi ko nashizemo umwuka, gusa nararokotse”.

- Advertisement -

Umuyobozi w’akarere ka Gicumbi wungirije ushinzwe imibereho myiza Mbonyintwari Jean Marie Vianney ashima uruhare rw’ abikorera mu gufata mu mugongo abarokotse Jenoside yakorewe Abatutsi.

Ati: “Akarere twiyemeje gushyira unuturage ku isonga, harimo n’ abarokotse Jenoside yakorewe abatutsi, turashima abikorera muri Gicumbi bafite umutima wo gufata mu mugongo abarokotse hagamijwe guhindura amateka  mabi yaranzwe na bagenzi babo muri 1994”.

Mukanyarwaya Donatha uhagarariye abikorera mu ntara y’amajyaruguru avuga ko igikorwa cyo gufata mu mugongo abarokotse kiri gukorwa mu ntara y’ amajyaruguru .

Ati: “Abikorera muri Gicumbi batanze inka icumi, mu cyumweru gitaha muri Musanze bazatanga inka 15, muri Rulindo bubatse inzu 17 batangana n’ubwisungane mu kwivuza 100 ku barokotse, Gakenke yatanze inka ebyiri yubakira n’umuntu utishoboye, ndetse n’abari batuye mu manegeka babakodeshereje inzu mu gihe cy’amezi atandatu ngo bazavemo bamaze kubakirwa, abarokotse turabasaba kutigunga, ahubwo twiteguye gufatanya na bo tukubaka umuryango nyarwanda”.

Iki gikorwa cyabereye mu murenge wa Ruvune, ku rwibutso rwa Nyarurama rushyinguwemo abagera kuri 205 bishwe muri Jenocide yakorewe Abatutsi.

Abahagarariye abikorera muri Gicumbi bunamiye inzirakarengane zishwe mu 1994

UMUSEKE.RW i Gicumbi

You Might Also Like

Rubavu: Ubuharike buhonyora ubumwe n’umudendezo mu miryango

Abateza imbere abafite ubumuga bagiye gushimirwa

Rwanda: Umuntu 1 muri 5 afite ibibazo  byo mu mutwe

Ubugiraneza bwa Rayon Sports bwaba bwarayigonze ijosi?

Niger: Bari mu cyunamo cy’iminsi itatu

Ange Eric Hatangimana 24/05/2023 6:57 24/05/2023 6:57
Share
Inkuru ibanza Inkunga igenewe abagizweho ingaruka n’ibiza igeze kuri miliyoni 700Frw
Inkuru ikurikira Baravuga imyato Croix Rouge yabarinze ingorane zirimo kubyarira mu nzira
- Advertisement -

Amakuru aheruka

Rubavu: Ubuharike buhonyora ubumwe n’umudendezo mu miryango
Mu cyaro
Abateza imbere abafite ubumuga bagiye gushimirwa
Amakuru aheruka Andi makuru Inkuru Nyamukuru
Inter Miami yemeye gufasha Messi gusubira Camp Nou
Imikino
Volleyball: FRVB igiye guhugura abatoza mu mashuri
Imikino
-Kwamamaza -
Facebook Twitter Youtube

Umuseke.rw ni urubuga rwatangiye muri 2010 hashyira 2011 rufite intego zo gutangaza amakuru y’umwihariko asana imitima y’abasomyi, akabigisha ndetse abamenyesha ibibera hirya no hino. Kuva icyo gihe kugera ubu, ntituradohoka.

Twandikire

 

Tel/whatsapp:+250 788 306 908

Tel/whatsapp:+250 788 772 818


Email: [email protected]

Inkuru iheruka

Rubavu: Ubuharike buhonyora ubumwe n’umudendezo mu miryango
04/10/2023 11:13

© UMUSEKE Network. Since 2010. All Rights Reserved.

Removed from reading list

Undo
Welcome Back!

Sign in to your account

Lost your password?