Irushanwa ry’umupira w’amaguru rifasha abakinnyi bari mu biruhuko, rizwi nka ‘Agaciro Pre-season Tournament’, rigiye kongera gukinwa ku nshuro ya ryo ya Kabiri.
Muri Nyakanga umwaka ushize, ni bwo habaye iri rushanwa ryagaragayemo abakinnyi biganje mu cyiciro cya Mbere n’icya Kabiri mu Rwanda. Iri rushanwa ryabaye nyuma y’isozwa ry’imikino 2021/2022.
Iri rushanwa ritegurwa na Munyeshyaka Makini, rigiye kongera gukinwa ku nshuro ya Kabiri. Biteganyijwe ko rizakinwa guhera tariki 23 Kamena 2023. iry’uyu mwaka rifite insanganyamatsiko igira iti ‘Ubwizigamire n’Ubwishingizi mu Kwivuza ni Ingenzi ku Ba-sportifs.’
Abaritegura bamenyesheje amakipe yose yifuza kuryitabira, ko buri kipe igomba gutanga ibihumbi 200 Frw yo kwiyandikisha ndetse igatanga urutonde rw’abakinnyi 30 bazifashishwa. Ku bakeneye ibindi bisobanuro bahamagara Munyeshyaka uritgura, kuri telefone igendanwa ifite nimero ya 0788586667.
Iriheruka ryagaragayemo amazina arimo Haruna Niyonzima, Habimana Hussein, Sadjati, Nizeyimana Djuma, Byiringiro Lague, Nishimwe Blaise, Kwizera Olivier n’abandi.
Ikipe ya Golden Generation yiganjemo abakiri bato banahise babona amakipe mu cyiciro cya Mbere, ni yo yegukanye igikombe.
UMUSEKE.RW
