Mu gihe isoko ry’igura n’igurisha ryafunguwe muri shampiyona y’Icyiciro cya Mbere mu Rwanda, amakipe arimo Mukura VS na Sunrise FC ntiyicaye ubusa kuko hari abo yamaze kwibikaho.
Igura n’igurisha ryo rirakomeje mu makipe azakina mu Cyiciro cya Mbere umwaka utaha 2023/2024.
Mukura VS iterwa inkunga n’Akarere ka Huye, yamaze kongeramo myugariro w’ibumoso, Muvandimwe Jean Marie Vianney wari umaze imyaka ibiri muri Rayon Sports. Araza yiyongera kuri Ndayongeje Gérard bakuye muri Vitalo’o y’i Burundi.
Ahandi barimbanyije, ni muri Sunrise FC y’i Nyagatare yahisemo kongerera amasezerano y’imyaka ibiri abakinnyi barimo Niyibizi Vesaste na Shyaka Clever.
Uretse aya makipe, ahandi biyubatse ni muri Police FC bongereye amasezerano Hakizimana Muhadjiri wongereye amasezerano y’umwaka umwe.
Iyi kipe iterwa inkunga n’abashinzwe umutekano kandi, yinjije abarimo Mugenzi Bienvenu wavuye muri Kiyovu Sports, Kwitonda Ally, Ntwari Ficre n’abandi.
Andi makipe ari kwiyuba ni iya Bugesera FC iherutse gusinyisha abakinnyi barimo Muhoza Trésor. Gusa amakipe arimo AS Kigali, Kiyovu Sports na Rayon Sports, aracecetse ku isoko.
Abandi bakinnyi bivugwa ko bamaze guhindura amakipe, arimo Ntwari Fiacre bivugwa ko ashobora kuba yarasinyiye Police FC imbanzirizamasezerano.
- Advertisement -
UMUSEKE.RW
