Umuhanzi akaba n’umukinnyi wa filime Mugisha Frank wamamaye ku mazina y’ubuhanzi nka VD Frank yitabye Imana azize uburwayi.
Amakuru y’urupfu rwe yamenyekanye kuri uyu wa kane tariki 29 Kamena 2023 ahagana saa mbili z’umugoroba.
Uyu muhanzi ngo yari amaranye igihe uburwayi bw’umwijima aho yari arwariye mu bitaro bya Kibagabaga.
Muri Kamena 2020 nabwo yigeze gufatwa n’uburwayi bwa stroke, bwatumye agira ikibazo cyo kugagara umubiri wose.
Icyo gihe yabyutse asanga yarembye ndetse umunwa wahengamye ndetse n’igice kimwe cy’umutwe we kidakora.
Ibi byatumye ahita yihutira kujya kwivuza kuko iyi ndwara yari imaze iminsi mike ihitanye muramu we “DJ Miller”.
VD Frank yamamaye muri muzika nyarwanda mu myaka yashize kubera ubuhanga bwe mu miririmbire n’imyandikire y’indirimbo .
TUYISHIMIRE RAYMOND/UMUSEKE.RW