Impuzamashyirahamwe y’Umupira w’Amaguru ku Mugabane wa Afurika, CAF, yatangaje ko umwaka w’imikino 2023-2024 w’amarushanwa Nyafurika ku makipe yabaye aya mbere iwa yo n’ayegukanye ibikombe iwa yo, uzatangira muri Kanama 2023, ukazarangira muri Gicurasi 2024.
CAF yatangaje ko imikino ibanza y’ijonjora ry’ibanze ya CAF Champions League na CAF Confedération Cup, izakinwa tariki 18-20 Kanama 2023, mu gihe iyo kwishyura izakinwa tariki 25-27 Kanama uyu mwaka.
Ijonjora rya Kabiri, CAF yemeje ko ibanza izakinwa tariki 15-17 Nzeri uyu mwaka, iyo kwishyura izakinwe tariki 29 Nzeri na tariki 1 Ukwakira 2023.
Umunsi wa Mbere w’amatsinda ya CAF Champions League na CAF Confedération Cup, uzakinwa tariki 24-26 Ugushyingo 2023. Uwa Kabiri uzakinwa tariki 1-3 Ukuboza uyu mwaka. Imikino y’umunsi wa Gatatu yo izakinwa tariki 8-10 Ukuboza uyu mwaka.
Imikino y’umunsi wa Kane w’amatsinda, izakinwa tariki 19-20 Ukuboza 2023, iy’umunsi wa Gatanu izakinwe kuri 23-25 Gashyantare 2024. Iy’umunsi wa Gatandatu izakinwa tariki 1-3 Werurwe 2024.
Imikino ibanza ya ¼ ya Champions League na Confedération Cup, izakinwa 29-31 Werurwe 2024, iyo kwishyura izakinwe tariki 5-7 Mata 2024.
Imikino ibanza ya ½, izakinwa tariki 19-21 Mata 2024, iyo kwishyura izakinwe tariki 26-28 Mata 2024.
Imikino ibanza ya nyuma [final] ya CAF Confedération Cu, izakinwa tariki 10-12 Gicurasi 2024, iyo kwishyura izakinwe 17-19 Gicurasi umwaka utaha.
Ibanza ya nyuma [final] ya CAF Champions League, izakinwa tariki 17-19 Gicurasi, iyo kwishyura izakinwe tariki 24-26 Gicurasi 2024.
- Advertisement -
Ikipe ya Al Ahly yo mu Misiri, ni yo yegukanye igikombe cya CAF Champions League uyu mwaka itsinze Wydad Athletic Club yo muri Maroc, mu gihe yo USM Alger muri Algerie , yegukanye icya CAF Confedération Cup.
UMUSEKE.RW
