Ishyirahamwe Nyarwanda ry’Umupira w’Amaguru, FERWAFA, ryatangaje ibiciro ku mukino wa Super Coupe uzahuza Rayon Sports na APR FC tariki 12 Kanama 2023 kuri Kigali Pelé Stadium.
Uyu mukino utegerejwe na benshi bitewe n’uko amakipe yombi yiyubatse, ibiciro ku bifuza kuzawureba, byamaze kumenyakana.
FERWAFA yavuze ko abazagura amatike mbere y’umunsi w’umukino, bazishyura ibihumbi 3 Frw ahasigaye hose, ibihumbi 10 Frw ahatwikiriye na 20 Frw mu myanya y’icyubahiro.
Abazagura amatike ku munsi w’umukino, bazishyura ibihumbi 5 Frw ahasigaye hose, ibihumbi 15 Frw ahatwikiriye n’ibihumbi 30 Frw mu myanya y’icyubahiro.
Umukino Super Coupe ubusanzwe, uhuza ikipe yatwaye igikombe cy’Amahoro n’iyatwaye icya shampiyona. Ikipe ikunzwe na benshi mu Rwanda ni yo yegukanye icy’Amahoro cy’umwaka ushize w’imikino, mu gihe iy’Ingabo z’Igihugu ari yo yegukanye icya shampiyona.
🚨FERWAFA SUPER CUP 2023🚨
Ubu noneho wakwigurira itike yawe hakiri kare utazacikanwa n’ibirori by’imukino wo guhatanira igikombe kiruta ibindi mu Rwanda.#SuperCup2023 pic.twitter.com/3ZJaR4AgIE
— Rwanda FA (@FERWAFA) July 29, 2023
- Advertisement -
UMUSEKE.RW
